MAGPAPATUPAD ang administrasyon ni Pangulong Ferdinand R. Marcos Jr. ng Digital Media Literacy campaign ngayong taon.
Layon nito na makapagbigay sa “most vulnerable communities” ng kasanayan at kasangkapan habang inuunawa ang katotohanan.
Ito ang sinabi ni Presidential Communications Office (PCO) Undersecretary Cherbett Karen Maralit sa ipinalabas na kalatas habang isinasagawa ang CyberSafe Against Fake News: Being Smart, Being Safe and Staying Ahead! Ensuring Women and Girls a Safe Online Experience, isang side event sa 67th Session ng United Nations Commission on the Status of Women (CSW67) sa UN headquarters sa New York.
Sinabi pa ni Maralit na inatasan ng Philippine Congress ang PCO na tugunan ang lumalagong concern ukol sa “misinformation at disinformation” lalo na sa digital landscape.
“Backed by the budgetary support from the Philippine Congress and its confidence in the leadership of the PCO, we took the opportunity to develop mechanisms through which we can bring the online experiences of females of all ages into focus,” ayon kay Maralit.
“Taking a context-based and factual grassroots approach, we intend to reach out to, and equip, these communities with knowledge and skills and tools that will enable them to be discerning of the truth as they engage in various social media channels and platforms,” dagdag na pahayag ni Maralit.
Tinuran pa ni Maralit na ang two-fold path ay may kinalaman sa aktibong kolaborasyon ng PCO sa pribadong sektor, kasama na ang mga stakeholders ng broadcast industry, para magtatag ng epektibong mekanismo laban sa fake news.
Gagabayan naman ng PCO ang publiko patungo sa “place of strength” kung saan may kakayahan na maunawaan at matukoy ang mali, incomplete o inaccurate information.
Sinabi pa ni Maralit na masusing pag-aaral ang isasagawa ngayong buwan sa buong Pilipinas. (CHRISTIAN DALE)
![](https://saksingayon.com/wp-content/plugins/dp-post-views/images/eyes.png)